Laminat döşəmə 1977-ci ildə İsveçin “Perstorp” şirkəti tərəfindən ixtira edilmiş və “Pergo” brendi altında satılmışdır. Onlar 1923-cü ildən bəri döşəmə örtükləri istehsal edirdilər. Şirkət öz məhsulunu ilk dəfə 1984-cü ildə Avropa bazarında, daha sonra isə 1994-cü ildə Amerika Birləşmiş Ştatlarında satışa çıxarmışdır. “Perstorp” öz döşəmə bölməsini ayıraraq müstəqil “Pergo” şirkətinə çevirmişdir ki, hazırda bu şirkət “Mohawk Industries”in törəmə müəssisəsidir. “Pergo” ən çox tanınan laminat istehsalçısı olsa da, “PERGO” ticarət nişanı bütün laminat döşəmələrin ümumi adı (sinonimi) deyil.

Yapışqansız laminat döşəmə 1996-cı ildə İsveçin “Välinge Aluminium” (indiki “Välinge Innovation”) şirkəti tərəfindən ixtira edilmiş və “Alloc” və “Fiboloc” adları altında satılmışdır. Bununla belə, döşəmə panellərini bir-birinə bağlayan sistem paralel olaraq Belçikanın “Unilin” şirkəti tərəfindən də işlənib hazırlanmış, 1997-ci ildə buraxılmış və “Quick-Step” döşəmələri adı altında satışa çıxarılmışdır.

Bu iki şirkət illər ərzində çoxsaylı hüquqi münaqişələrdə iştirak etmişlər və bu gün yapışqansız kilid sisteminə malik döşəmələrin əksəriyyəti, bəlkə də hamısı, ya “Välinge”, ya “Unilin”, yaxud da hər ikisinin kombinasiyalı lisenziyası əsasında istehsal olunur.